|
а) Валийлар етимларнинг молини яхшилайдиган, кўпайтирадиган, сақлайдиган ишларни қилишлари мумкин. Агар бу ишни ихлос билан, эътибор билан бажарсалар, уларга савоб бўлади.
б) Етимлардан ажралиб олганларидан кўра улар билан аралашиб юришлари афзалроқдир. Ейиш, ичиш борасида ҳам, яшаш жойи масаласида ҳам яхшилик билан етимларга аралашиб юриш афзалдир. Бу афзаллик Аллоҳ Таолонинг
وَإِنْ تُخَالِطُوهُمْ فَإِخْوَانُكُمْ
(Агар (молларингизни) уларнинг (моллари) билан қўшиб юборсангиз) деган гапидан чиқади. (فَإِخْوَانُكُمْ ) деган иборанинг ишлатилишида бир оиланинг аъзоларидек бир-бирига эътибор билан яшашга, аралашиб юришга тарғиб қилиш, ундаш маънолари бор.
в) Шундан сўнг Аллоҳ Таоло Ўзининг ким бузишни исташию ким тузатишни исташини билишлигини баён қиляпти. (Яъни, уларнинг мол-давлатини тузатишни мақсад қилганни ҳам, уларнинг молларини ейиш мақсадида улар билан аралашиб юрганни ҳам билишини билдирди).
г) Оятнинг охирида Аллоҳ Таоло уларга етимга валийлик қилишни осонлаштириб бергани, етимларга яхшилик билан аралашиб юришга рухсат бериш билан уларга қулайлик туғдириб бергани, бунинг учун уларга савоблар, мукофотлар тайёрлаб қўйгани Ўзининг фазлидан эканини баён қилди. Агар Аллоҳ истаса, уларнинг ризқини қисиб қўйиши ҳам мумкин эди. (لأعْنَتَكُمْ ) яъни, етимга валийлик қилишда. Улар билан аралашиб юришнинг жазосини қаттиқ қилиб қўйиши ҳам мумкин эди. Зеро, Аллоҳ Ўз ишига ғолибдир. У Зотнинг қўлидан келмайдиган ишнинг ўзи йўқ. У Зот Ўзининг ҳар бир ишида етук ҳикмат соҳибидир.
إِنَّ اللّهَ عَزِيزٌ حَكِيمٌ
(Албатта Аллоҳ қудрат ва ҳикмат эгасидир).
@ @ @
وَلاَ تَنكِحُواْ الْمُشْرِكَاتِ حَتَّى يُؤْمِنَّ وَلأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ وَلاَ تُنكِحُواْ الْمُشِرِكِينَ حَتَّى يُؤْمِنُواْ وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ أُوْلَـئِكَ يَدْعُونَ إِلَى النَّارِ وَاللّهُ يَدْعُوَ إِلَى الْجَنَّةِ وَالْمَغْفِرَةِ بِإِذْنِهِ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ
– „221. То имонга келмагунларича мушрика аёлларга уйланмангиз! Шубҳасиз, озод мушрика аёлдан — гарчи у сизга ёқса-да,— имонли чўри яхшироқдир. То имонга келмагунларича мушрик эрларни (қизларингизга) уйламангиз! Шубҳасиз, озод
12-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232